حماتى بتدلع ...

حماتى بتدلع عليا..

من يوم الصباحيه وهى مفترية

دخلت الأودة عليا

وتقولى بتعملى إيه هنا يا وليه

معرفتش أرد اقولها إيه
حبيبي عامل نايم ولا سائل فيا

تخرجنى برا وتدعي عليا

وعلي اليوم اللى شافتنى فيه ..ماجات رجلايه

ولازم أستحملها ..ماهو حبيبي وغالي عليا

تصحينى كل يوم الفجرية

وتقولى إعملي وسوى وبلاش النومه ديا

وانا أقول حاضر ..ماهو باختى وأمى دعيت عليا

إعملى واطبخى وامسحي واغسلي وحمى وكمان بأكلها بأديا

وما اقدرش أتكلم ولا حبيبي يهون عليا

لازم أكون تحت رجليها وأشيلها جوا عنيا

عشان أعيش ويعجب اللى مطنش ومش سائل فيا

بس خلاص كده خلاص مش قادرة أستحمل وفاااض بيا

ياريتنى مااتجوزت ونسيت وبعت القضية

مش كفاية مستحملة عشريتها وبهدليتها فيا

كمان ولا كلمة حلوة تصبرنى ولا طقم حنية

والله من الصبح لأروح أخلعك

وألبس أمك قضية

وكفاية نوم بقي وأصحى إطمن عليا

أنا بفرفر و أنت ولا حاسس بيا

انا كده عملت اللى عليا

كلمة واحدة أرد بيها على كل اللى عملتوه فيا

حسبي الله ونعم الوكيل

فى اللى كان السبب فى الجوازة ديا

...........................
دى مجنونة اوعى حد يعمل كده

الحماة ..قبل ماتكون حماة هى أم
وأنتى كمان فى يوم من الأيام هاتكونى حماه
وأفتكرى انها السبب فى أجمل هدية فى حياتك
ومهما تعمل إصبري وربنا هايجازيكى خير
وعندنا بنقول دعوة الحماة زى دعوة الأم وإتقي شر دعوتها..
وعامليها بالمعروف

_________________

الحماة ..قبل ماتكون حماة هى أم
وأنتى كمان فى يوم من الأيام هاتكونى حماه
وأفتكرى انها السبب فى أجمل هدية فى حياتك
ومهما تعمل إصبري وربنا هايجازيكى خير
وعندنا بنقول دعوة الحماة زى دعوة الأم وإتقي شر دعوتها..
وعامليها بالمعروف
حقت كلماتك
تقبلى مرورى اختى العزيزه همس الحب

تسلم ايدك همس على موضوعك

تقبلى مرورك وانتظر المزيد

من مواضيعك المتميزة

:?:

اشكركم على مروركم اخوتى