سلام يا اهل الجود والطيب

الوفاء" في غير قلبك مالقيت
وإن مدحتك بالقصايد ماوفيت
أعتذر"إن كان في يوم قسيت
.والعذر إن كان صديت أو جفيت
فأنت السيف لامني اعتزيت
.وإنت "أغلى شخص في عمري لقيت

"خاص لأغلى الناس"

شخص الا منه مضى لي معه يوم
اندم على ايام مضت قبل ما القاه
احتاج له لا صار في صدري هموم
ولو ينكسر ساقي تسندني يمناه
جعل المعزة بيننا دايم الدوم
هذا الرفيق اللي من الصعب تنساه

الجود شيخ تملكه عدة اطراف
بس المراجل حالفه انك ولده
عريب جد وحاوين كل الاعراف
دنياك جنة بس فعلك رغدها
كن العلوم الطيبه عندك اهداف
صارت فريسه وانت كنت اسدها

سلام يا اهل الجود والطيب
ياللي لكم بالصدر قدر ومعزه
القلب من فرقا الاجاويد يهتز
مثل الشجر يوم العواصف تهزه
في قربكم كل المخاليق تعتز
وعيني لكم تشتاق في كل حزه

حلفت باللي غيب الشمس مناك ..
والصبح بأمر تظهر الشمس منا . .
إن أسعد الأيام شوفك ولقياك . .
وإن أقشر الأيام لاغبت عنا . .
ودك تلاقيني وودي بلقياك . .
لكن ظروف الوقت ما ساعدنا . .

طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك

من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري شسميك
كل الخصال النادره ينتمن لك
الطيب كنه شابك ايديه فيديك
ان كان له صاحب فهو صاحب لك

منقولة

اتمنى ان تنال اعجابكم بتنسيقي

مع اطيب الاماني

تسلم اخي الكريم على ماكتبته يمناك وخطته اقلامك الرائع حياك الله بينا يالغالي